سجل زوار موقع الفنان ناصر الفارس

تاريخ الإضافة:- الجمعه 11 مايو 2007 الساعة 4:47 ص

مراد ابو غليون

فلسطيـن

انا بشكرك كتير على اغانيك الحلوه والاموره وبوجهلك تحيه معطره من عتيل الصمود الى اخوان ناصرالفارس وتحيه مني ومن فرقة الفرسان للدبكه الشعبيه جامعة القدس ابوديس وبتمنى نشوفك هناك وشكرا على ها الموقع الامور الك

تعليق المشرف

حبيبي يا ورد وشكرا على المحبه وتحياتي لأهلنا في الشعراويه كلها

تاريخ الإضافة:- الخميس 10 مايو 2007 الساعة 6:30 م

abo_kalbosh

فلسطيـن

اخ ناصر انتا فنان تغني جميل ولكن للاسف و انا اقول لل اسف انت لم تغني جيدا في حفلت شعفاط هاد الاسبوع في المخيم شعفاط لم تكن ناصر الذي نعرفه بل اظهرت عكس ما كنا متوقعين لا ادري لماذا و لكن الجميع هنا اجمع على انك لم تغني جيدا

تعليق المشرف

أنا متأكد أنك بتحبني وشكرا للسؤال ولنفترض أنه كلامك صحيح رأيك شو السبب يا ترى يمكن أنت أعرف مني لأنك أبن البلد لا يكون بطلتوا أتحبوني ؟؟؟؟

تاريخ الإضافة:- الخميس 10 مايو 2007 الساعة 1:48 م

فرقة الجاليه الفلسطينيه. جامعة اليرموك

فلسطيـن

اجمل تحياتنا بنهديها للمطرب الفلسطيني القدير ناصر الفارس وعلى فكره احنا بنعمل حفلات هون بالاردن بفنادق مع انو احنا من فلسطين بس بندرس هون باليرموك وما بنرضى ننزل الا على صوت ناصر الفارس تقديرا منا لقيمة هالفنان الكبير
منسق الفرقه.. مجدي القاسم

تعليق المشرف

بأختصار أذا أنا كبير كبير بيكم

تاريخ الإضافة:- الخميس 10 مايو 2007 الساعة 1:43 م

مجدي القاسم

فلسطيـن

تحياتنا واشواقنا الحاره وحبينا نمسي ونبقى على تواصل مع الفنان الكبير ناصر الفارس وبنتمنالك مزيد من النجاح
شباب دير بلوط. مجدي

تعليق المشرف

حبيبي يا عسل

تاريخ الإضافة:- الخميس 10 مايو 2007 الساعة 11:17 ص

فاخر على الاخر زوياني يحب الناصر

فلسطيـن

انت بتشرف سلفيت كلها بس بدي اقلك اوعا تفكر تزور سلفيت وما تزور الزاويه عموما ازا زرت سلفيت راح تمر من الزاويه بنقلك احنا في موعد الحفله تاعتك رايحين نعملك محسوم بالبلد حضر الهويه من هسا

تعليق المشرف

هههههه لعيونك

تاريخ الإضافة:- الخميس 10 مايو 2007 الساعة 9:30 ص

ناصر

دول أخرى

عالعافية أبو محمد أنا ناصر من جلجولية.. بتقدر تعمل حفلة مختلطة بينك وبين حميد أبو ليل

تعليق المشرف

ولا أي مانع حميد حبيبي بس المشكله صعوبة التواريخ السنه شوف حميد أزا فاضي بنشوف تاريخ بتكون حفلتي قريبه على جلجوليه باجي ولو ساعه بعدها بغادر على حفلتي .

تاريخ الإضافة:- الخميس 10 مايو 2007 الساعة 3:56 ص

(القدس, سلوان)

فلسطيـن

اول شيء السلام عليكم احباءي ، ثاني اشي تحياتي للفنان الفلسطيني الشعبي ناصر الفارس (ابو محمد) الف مبارك على هاذا الموقع الجميل مني انا عمر القيسي القدس (سلوان)

تعليق المشرف

شكرا جدا يا عمار وأذا لاحظت شطب من رسالتك البعض منها لسبب أحترامنا لكل الفئات وكل أهل البلد الحبيب مع أحترامي الشديد لك ،ولنا لقاء السنه في سلوان أن شاء الله حبيبي

تاريخ الإضافة:- الخميس 10 مايو 2007 الساعة 3:06 ص

سمير الشوا العيسوية

فلسطيـن

بس تعال وأحلى طنجرة مقلوبة انتا بتمون

تعليق المشرف

ههههههههههه تسلم

تاريخ الإضافة:- الاربعاء 9 مايو 2007 الساعة 3:12 م

جتاوي

فلسطيـن

والله اسا رجعت من العرس والله كان مهرجان مع جارنا وحبيبنا ومطربنا ناصر الفارس

تعليق المشرف

شكرا جدا جدا حبايبي والله بس شوي زادوها الشباب بالتحيات صح؟؟ خلينا أنشوفكم بقاعة الفيروز بكرا على خير تحياتي يا ورد

تاريخ الإضافة:- الاربعاء 9 مايو 2007 الساعة 2:19 م

رئيس بلدية الزاويه

دول أخرى

يا اخ ناصر احنا في بلدة الزاويه سلفيت تم افتتاح منتزه لبلدية الزاويه من جديد ولسا ما تم افتتاحه بس كل شباب البلد بقولولي لو تجيب ناصر يغنيلنا في المسبح وفي الافتتاح انا بدي احاول اتصل عليك بس انت شو رايك بالموضوع

تعليق المشرف

رأيي أنو أنا بتشرف أني أكون بين أهلي أناسي واللي بحبوني ولكن المهم أكون فاضي يومها لأنو شوي الوضع صعب ولكن ممكن ترتيب شيء ما لعيونكم عموما تلفوني 0505329876 مع حبي وتقديري لكم

تاريخ الإضافة:- الاربعاء 9 مايو 2007 الساعة 1:58 م

نافز شقير

فلسطيـن

انا نافز شقير من الزاويه اكيد بتذكرني على شان انت اللي احيت سهرتي بس بتعرف اني الي خاطر ارد اتجوز عشان اجيبك

تعليق المشرف

هههههههههههههههههههههههه مش بس هيك كمان أنا من المشجعين للجيزه التانيه ولهالسبب بدفع العريس نص تذكره ههههههه مشان النسوان أتخاف يابا ههههه ، والله أوفق كل الأزواج ،بعدين تلعبش بالنار الحرمه قلها بحبك بتقلك مش معقول بس قلها بدي أتجوز عليك طوالي بتقلك وللا يا عمي معلوووووم هههههههه

تاريخ الإضافة:- الاربعاء 9 مايو 2007 الساعة 1:56 م

بحبك انا كتير

فلسطيـن

ممكن لو بدنا نغلب يا سيد الكل تحددلنا اسماء البلاد اللي بدك تيجي فيها على سلفيت واوقاتهن عشان نجمع الباصات ونجيك على الحفله حبايبك اهل الزاويه سلفيت

تعليق المشرف

عراسي كزدره أنا يا سيدي وأن شاء الله يوم الثلاثاء 31/7/2007 في سلفيت ويوم 12/8/2007 يوم الأحد كمان أن شاء الله في الزاويه بتشرفونا ،بالنسبه للباصات والسيارات هاي عليه بس أنتو بتحاسبوهم على المشاوير بس ههههههههه شكرا لمحبتكم بكون مسرور لما بشوف كتاباتكم تحياتي.

تاريخ الإضافة:- الاربعاء 9 مايو 2007 الساعة 3:25 ص

شهد ديردبوان

فلسطيـن

انا شهد من دير دبوان حفلة ديردبوان 2007 كانت بتجنن بهنيك على الصوت الحلوو وربي ما بنحب غيرك اغانيك شغاله كل يوم في البلد ههههههه سحرتنا بصوتك الله يحميك ويخليلنا هل الصوت الحلو ,تحياتي الك .

تعليق المشرف

شكرا جدا يا شهد الاسم حلو وأكيد أصحابه أمرتبين كمان مره شكرا للمحبه

تاريخ الإضافة:- الثلاثاء 8 مايو 2007 الساعة 12:21 م

بحبك قد ابوي

فلسطيـن

ماشي يا سيدي خالد نصاب على راسي وعيني مع انو قالك انو انا بحبك اكثر من .... بس المره الجاي واصلك سلام مع خليل ابن صبحي الفيهم الحسان اللي عمو جمال الحسان اكيد رح تعرفو وشفلي نصاب ولا لا هاد التاني

تعليق المشرف

هههههه ولك بمزح معك يا ورد معلوم بعرفو حبيبي انت تحياتي

تاريخ الإضافة:- الثلاثاء 8 مايو 2007 الساعة 10:35 ص

ابن العيسوية

فلسطيـن

أحنا بنحبك كتير ويارب تيجي على العيسوية في اقرب وقت

تعليق المشرف

أنا مش بس بحبكم كمان بحب المقلوبه تاعتكم ههههه حضروا كتير مقلوبه السنه ألي عندكم يمكن خمس حفلات يعني رايح يزهقني حبيبي